प्रभाग पद्धतीत श्रीमंत व प्रस्थापित पक्षाचे उमेदवार निवडून येतात व त्यामुळे नवीन नेतृत्व निर्माण होत नाही. हा लोकशाहीस धोका निर्माण होतो. आरक्षित वॉर्डातूनही जातीय भांडवलशाही पक्षाचेच उमेदवार निवडून येतात. त्यामुळे एससी, एसटी, महिला वर्गाला खरे प्रतिनिधी लाभत नाहीत, याकडे लक्ष वेधत पक्षाने एका प्रभागातून चार उमेदवार निवडून येत असल्यामुळे वार्डाची जबाबदारी कुठलाही एक उमेदवार घेणार नाही, अशी भीती व्यक्त केली. त्यामुळे वॉर्डाच्या समस्यांचे निराकरण होणार नाही. हे विकासासाठी मारक ठरेल याकडे लक्ष वेधले. प्रस्थापित पक्षांना उद्योगसमूहांकडून निवडणुकीसाठी मोठ्या प्रमाणात बेकायदेशीरपणे पैसा मिळतो. त्याची परतफेड लोकांच्या पैशाची लूट करून व भ्रष्टाचाराच्या माध्यमातून केली जाते. एकाच पक्षाची सत्ता दीर्घकाळ टिकून राहिल्याने लोकशाहीसाठी हे धोक्याचे आहे. नेतृत्व डॉ. प्रदीप नगराळे यांनी केले.
विद्या भिमटे, राजू कापसे, राजेश वालदे, शेखर सांगोडकर, प्रमोद बनसोड, प्रल्हाद गेडाम, पवन मेश्राम, बिंबीसार कांबळे, अमित बनसोड, सुरेश भोवते, चंद्रशेखर मंडपे, अजय कांबळे,वैशाली ढेपे, सुनीता सुखदेवे,नंदा पंचभाई, अॅड. संदीप मोटघरे, अॅड. युवराज कांबळे, अॅड. विजया बागडे, विजय मेश्राम यांच्यासह मोठ्या संख्येत कार्यकर्ते उपस्थित होते.
पारदर्शक निवडणुकीसाठी या व्हाव्यात सुधारणा
प्रभाग पद्धती रद्द करून, वॉर्ड पद्धतीने निवडणूक घ्याव्यात
नगरपरिषद, पंचायत समितीमध्ये अध्यक्षयीय पद्धतीचा अवलंब करावा
निवडणुकीत उमेदवारांना व पक्षांना निवडणूक लढण्यास बजेटमधून निधी द्यावा
मनपा, नगरपालिका व नगर पंचायतमध्ये पार्टी व थर्ड पार्टींच्या निवडणूक खर्चावरही निर्बंध आणला जावा.
ईव्हीएममध्ये पेपर ट्रेल लावण्यात याव्यात.
मोबाइल अॅप डाउनलोड करा आणि राहा अपडेट