शासकीय तंत्रनिकेतन नागपूरला राज्यातील सर्वोत्तम स्वायत्त संस्था म्हणून असोसिएशन ऑफ इंडियन कम्युनिकेशन मल्टीमिडीया अॅण्ड इनफ्रास्ट्रक्चरने आयोजित केलेल्या महाराष्ट्र शिक्षण शिक्षण परिषदेन पुरस्कार प्रदान करण्यात आला.
मुंबईत झालेल्या कार्यक्रमात अखिल भारतीय तंत्रशिक्षण परिषदेचे अध्यक्ष डॉ. अन‌िल सहस्त्रबुद्धे यांच्या हस्ते तंत्रनिकेतनचे प्राचार्य डॉ. सी.एस. थोरात यांना पारितोषिक व मानचिन्ह प्रदान करण्यात आले. केंद्रीय मनुष्यबळ विकास मंत्रालय, अखिल भारतीय तंत्रशिक्षण परिषद, असोसिएशन ऑफ इंडियन युनिव्हर्सिटीज, एनआयएलटीटी, माहिती व तंत्रज्ञान मंत्रालय, अपारंपारिक उर्जा मंत्रालय आणि लघी व मध्यम उद्योग मंत्रालयाच्या संयुक्त विद्यमाने पुरस्कार सोहळा आयोजित करण्यात आला होता. त्यात नागपुरातील शासकीय तंत्रनिकेतन संस्थेला सर्वोत्कृष्ट संस्था म्हणून सन्मानित करण्यात आले. महाराष्ट्रातील एकमेव शासकीय संस्थेला हा पुरस्कार मिळाला आहे.
नागपुरातील तंत्रनिकेतनची स्थापना १९१४ मध्ये झाली होती. तेव्हापासून अभियांत्रिकी आणि तंत्रज्ञान शिक्षणाच्या प्रचार आणि प्रसार कार्यात संस्था कार्यरत आहे. या संस्थेने विविध बहुराष्ट्रीय कंपन्यांसोबत सहयोग करार करीत अभ्यासक्रम आणि कौशल्य ज्ञानाच्या विकासावर कार्य केले आहे. उद्योगांना आवश्यक असणारे कुशल मनुष्यबळ विकास करण्यात नागपूर तंत्रनिकेतन आघाडीवर असल्यानेच राष्ट्रीय पुरस्काराकरिता निवड करण्यात आली. या पुरस्काराबाबत सहसंचालक गुलाबराव ठाकरे व संस्थेचे प्राचार्य डॉ. सी. थोरात यांनी संस्थेतील प्राध्यापक व कर्मचारी वर्गाचे अभिनंदन केले आहे.
मोबाइल अॅप डाउनलोड करा आणि राहा अपडेट